मुंबई, दि. 1 : माहिती व जनसंपर्क महासंचालनालय निर्मित ‘दिलखुलास’ या कार्यक्रमात अप्पर परिवहन आयुक्त जितेंद्र पाटील यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर सोमवार दि. 4 जुलै व मंगळवार 5 जुलै रोजी सकाळी 7.25 ते 7.40 या वेळेत प्रसारित होईल. ज्येष्ठ मुलाखतकार सुप्रिया कुऱ्हाडे यांनी ही मुलाखत घेतली आहे.
राज्यात आता पावसाला सुरुवात झाली आहे. या पावसात जशी आरोग्याची काळजी घ्यावी लागते तशी आपल्या वाहनांचीही काळजी घ्यावी लागते. प्रवासात पावसामुळे येणाऱ्या अडचणींनाही सामोरे जावे लागते. वाहनांची काळजी, प्रवास आणि नागरिकांची कर्तव्ये आणि अधिकार या सर्वांविषयी सविस्तर माहिती जितेंद्र पाटील यांनी दिलखुलास या कार्यक्रमातून दिली आहे.
000
