नवी दिल्ली 21 : महाराष्ट्र सदनात यंदाही गणरायाची प्रतिष्ठापना करण्यात आली आहे. राज्यपाल रमेश बैस यांनी आज सायंकाळी महाराष्ट्र सदनातील गणरायाचे दर्शन घेतले व श्री गणेशाची विधिवत आरती केली.
यावेळी महाराष्ट्राचे माजी राज्यपाल भगतसिंग कोश्यारी, निवासी आयुक्त व प्रधान सचिव रुपिंदर सिंग, सहायक निवासी आयुक्त डॉ. राजेश आडपवार यांच्यासह महाराष्ट्र सदनातील अधिकारी कर्मचारी यावेळी उपस्थित होते.
यावेळी राज्यपाल श्री बैस यांनी राज्यातील जनतेला गणेशोत्सवाच्या शुभेच्छा दिल्या व जनतेला सुख, समृद्धी लाभू दे !, अशी प्रार्थना केली.
