मुंबई, दि. २९ : सन २०२३-२४ या शैक्षणिक वर्षातील “६७ व्या राष्ट्रीय शालेय बास्केटबाल (१९वर्ष मुली) क्रीडा स्पर्धेस काल सुरुवात झाली.
कार्यक्रमाचे अध्यक्ष रेल्वे पोलिस आयुक्त डॉ. रवींद्र शिसवे, यांनी खेळाडूंनी सतत प्रयत्न करुन खेळामध्ये सातत्य राखावे, उमेद न हारता खिलाडूवृत्तीने स्पर्धा पार पाडावी असे सांगितले.
स्पर्धेचा उद्घाटन सोहळा २८ जानेवारी २०२४ रोजी सायंकाळी कलीना कॅम्पस, मुंबई विद्यापीठ येथे संपन्न झाला. यावेळी शिवछत्रपती पुरस्कारार्थी मनीषा डांगे, वर्षा उपाध्ये, शिवछत्रपती पुरस्कारार्थी, दिपाली करमरकर प्रामुख्याने उपस्थित होते.
स्पर्धेत देशातील २८ राज्यातून जवळपास ४५० खेळाडू सहभागी होत असून २ फेब्रुवारी पर्यंत मुंबई विद्यापीठ कलीना कॅम्पस येथे ही स्पर्धा होत आहे.
६७ व्या राष्ट्रीय शालेय बास्केटबाल (१९वर्ष मुली) क्रीडा स्पर्धेचा सुरुवातीचा सामना महाराष्ट्र व राजस्थान संघात होऊन महाराष्ट्राने राजस्थानवर एकतर्फी विजय मिळवला.
0000
राजू धोत्रे/विसंअ/
