मुंबई, दि. ४ : लोकसभेच्या सार्वत्रिक निवडणुकीसाठी २८-मुंबई उत्तर पूर्व या मतदारसंघासाठी सर्वसाधारण निवडणूक निरीक्षक म्हणून भारत निवडणूक आयोगाने भारतीय प्रशासकीय सेवेतील वरीष्ठ अधिकारी स्तुती चारण (IAS) यांची नियुक्ती केली असल्याची माहिती निवडणूक निर्णय अधिकारी डॉ. दादाराव दातकर यांनी दिली आहे.
उमेदवारांना अथवा नागरिकांना निवडणूक संदर्भात संपर्क साधावयाचा असल्यास 8591366725 या भ्रमणध्वनीवर अथवा 22-20852870 या क्रमांकावर संपर्क साधण्याचे आवाहन निवडणूक निरीक्षक स्तुती चारण यांनी केले आहे. निवडणूक निरीक्षक स्तुती चारण यांचा पत्ता – मा. निवडणूक निर्णय अधिकारी यांचे कार्यालय, पिरोजशहा सांस्कृतिक सभागृह, स्टेशन साईड कॉलनी, गोदरेज कॉलनी, विक्रोळी पूर्व, मुंबई – ४०० ०५१ असा आहे. भेटण्याची वेळ सोमवार ते शुक्रवार दु.१२.०० ते १.०० अशी आहे.
