कोल्हापूर, दि. 26 (जिमाका) : जिल्ह्यातील नागरिकांच्या प्रश्नांबाबत जिल्ह्याचे पालकमंत्री हसन मुश्रीफ यांनी संबंधित अर्जदार व ग्रामस्थ यांच्या उपस्थितीमध्ये विविध प्रश्नांवर चर्चा करुन जिल्हाधिकारी कार्यालयात आढावा घेतला.
यावेळी जिल्हाधिकारी अमोल येडगे, मुख्य कार्यकारी अधिकारी कार्तिकेयन एस., निवासी उपजिल्हाधिकारी संजय तेली यांच्यासह संबंधित विभागांचे विभाग प्रमुख उपस्थित होते. यावेळी कोल्हापूर जिल्हा दूधगंगा धरण प्रकल्पातील धरणग्रस्तांना दिलेल्या नोटीसीबाबत बैठक झाली. त्यानंतर माद्याळ, ता. कागल येथील गायरान गट नंबर ३९ पै. क्षेत्र ०.१० हे. आर इतकी जमीन सामाजिक सभागृहासाठी उपलब्ध करणेबाबत बैठक झाली. यात प्रस्तावावरती तातडीने निर्णय घेण्याचे निर्देश घेण्याच्या सूचना पालकमंत्री मुश्रीफ यांनी यावेळी दिल्या.
संजय दादू पाटील, तानाजी शिवाजी सामंत व प्रदीप बाळासो पाटील, रा. केंबळी, ता. कागल, जि. कोल्हापूर यांची गट नं. ११६ मधील प्लॉटधारकांची ७/१२ व ८ अ पत्रकी नोंदीबाबत बैठक झाली. श्री लक्ष्मी आजी-माजी सैनिक कल्याणकारी संस्था, हासूर खुर्द यांनी जागा उपलब्ध करुन मिळणेबाबत केलेल्या विनंती अर्जाबाबत बैठक झाली. आंबेओहळ प्रकल्पातील संकलन दुरुस्तीच्या प्रलंबित असलेल्या रिव्हीजन प्रकरणाबाबत व मौजे चाफोडी तर्फे ऐनघोल, ता. राधानगरी, जि. कोल्हापूर या गावाचे पुनर्वसन करणेबाबत बैठकीत चर्चा झाली. हुपरी गावातील छत्रपती शिवाजी नगर व इतर तत्सम भागांचा सिटी सर्व्हे होऊन प्रोपर्टी कार्ड देणेबाबत आणि कागल- मुकेश महुरे-प्रॉपर्टी कार्ड तसेच इचलकरंजी कबनूर – प्रॉप्रटी कार्ड श्री मुल्लाणी व उत्तूर गावठाण मधील प्लॉट नियमानुकूल करणेबाबत पालकमंत्री हसन मुश्रीफ यांनी संबंधित विभागाला नियमानुसार लवकरात लवकर निर्णय घेण्याचे निर्देश दिले.
००००
