मुंबई, दि. २९ :- सेंट्रल कॉटेज इंडस्ट्रीजतर्फे जी – 20 च्या व्यापार आणि गुंतवणूक कार्यगटाच्या (TIWG) बैठकी दरम्यान भारतीय वस्त्रांचे प्रदर्शन आयोजित करण्यात आले आहे. हस्तशिल्प, लगद्यापासून बनविलेली उत्पादने, काष्ठशिल्प तसेच मातीपासून तयार होत असलेल्या वस्तूंचे प्रात्यक्षिकासह प्रदर्शन मांडले आहे. या प्रात्यक्षिकाचा जी २० च्या सदस्यांनी आनंद घेतला.
मुंबईत जी 20 च्या व्यापार आणि गुंतवणूक विषयक कार्यगटाची बैठक सुरू आहे. सांताक्रूझ येथील ग्रँड हयात येथे आयोजित या बैठकीकरिता आलेल्या सदस्यांनी या प्रदर्शनाचे कौतुक केले असल्याची माहिती मातीकाम कलावंत अबय पंडित यांनी दिली.
केंद्र शासनाने या परिषदेत आपली कला सादर करण्याची संधी दिल्याबद्दल श्री. पंडित यांनी शासनाचे आभार मानले. हे प्रदर्शन गुरूवार दि. ३० मार्च पर्यंत जी २० सदस्यांना पाहता येणार आहे.
00000
अर्चना शंभरकर/विसंअ/
