मुंबई, दि. २५ : चेंबुर येथील वसतिगृहाच्या इमारतीचे उद्घाटन सोमवार दि. २६ जून २०२३ रोजी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या हस्ते सकाळी ११ वाजता होणार आहे.
या कार्यक्रमास केंद्रीय सामाजिक न्याय व अधिकारिता राज्यमंत्री रामदास आठवले, शालेय शिक्षण व मराठी भाषा मंत्री तथा मुंबई शहरचे पालकमंत्री दीपक केसरकर, सार्वजनिक बांधकाम (सार्वजनिक उपक्रम वगळून) मंत्री रवींद्र चव्हाण, महिला व बाल विकास मंत्री तथा मुंबई उपनगरचे पालकमंत्री मंगल प्रभात लोढा, खासदार राहुल शेवाळे, आमदार प्रकाश फातर्पेकर उपस्थित राहणार आहेत.
मागासवर्गीय मुलींचे वसतिगृह, चेंबूर, शासकीय आयटीआय जवळ, आर. सी. मार्ग, चेंबूर-पूर्व, मुंबई येथे उद्घाटन सोहळा संपन्न होणार आहे. यावेळी मान्यवरांच्या हस्ते दूरदृश्यप्रणालीद्वारे मागासवर्गीय व आर्थिकदृष्ट्या मागासवर्गीय मुलींचे शासकीय वसतिगृह, मंगरुळपीर जि. वाशिम व बार्टी अंतर्गत येरवडा संकुल पुणे येथील UPSC चे निवासी प्रशिक्षण कार्यक्रमाचा शुभारंभ होणार आहे. तसेच समान संधी केंद्र उपक्रमाच्या मोबाईल ॲपचे उद्घाटनही यावेळी होणार आहे.
000
