मुंबई दि. 15 : भारतीय स्वातंत्र्याच्या 76 व्या वर्धापन दिनानिमित्त मुंबई उच्च न्यायालयात मुख्य न्यायमूर्ती देवेंद्र कुमार उपाध्याय यांच्या हस्ते ध्वजारोहण झाले. यावेळी मुख्यमंत्री एकनाथ शिंदे उपस्थित होते.
याप्रसंगी उपस्थित पोलीस पथकाने राष्ट्रध्वजास राष्ट्रीय सलामी दिली. यावेळी राज्याचे मुख्य सचिव मनोज सौनिक, गृह विभागाच्या अतिरिक्त मुख्य सचिव सुजाता सौनिक यांच्यासह मुंबई उच्च न्यायालयातील आजी माजी न्यायाधीश आणि अधिकारी कर्मचारी यावेळी उपस्थित होते.
