मुंबई, दि. ११ : सोसायटी अचिव्हर्स या मासिकाच्या नवीन अंकाचे प्रकाशन आज मुख्यमंत्री एकनाथ शिंदे यांच्या हस्ते झाले. मासिकाच्या मुखपृष्ठावर झळकलेले चित्रपट दिग्दर्शक मधुर भांडारकर यावेळी उपस्थित होते.
वेगवेगळ्या क्षेत्रात उल्लेखनीय कार्य केलेल्या नागरिकांना सोसायटी अचिव्हर्स या मासिकाच्या मुखपृष्ठावर झळकण्याचा मान मिळतो. श्री. भांडारकर यांच्या निमित्ताने एका मराठी कलावंताला हा बहुमान मिळाल्याबद्दल मुख्यमंत्र्यांनी त्यांचे अभिनंदन केले.
यावेळी सोसायटी अचिव्हर्स मासिकाचे मालक नारी हिरा, संचालक, संपादक अॅण्ड्रिया कोस्टा, मेघना प्रकाशनचे अशोक धामणकर आदी यावेळी उपस्थित होते.
