मुंबई, दि. 19 : हिंदवी स्वराज्याचे संस्थापक छत्रपती शिवाजी महाराज यांच्या जयंतीनिमित्त विधानभवनातील त्यांच्या सिंहासनाधिष्ठित पुतळ्यास विधानसभेचे अध्यक्ष ॲड.राहुल नार्वेकर यांनी पुष्पहार अर्पण करुन अभिवादन केले.
सकाळपासूनच विधानभवनाचा परिसर तुतारी-सनई-चौघड्याच्या निनादाने दुमदुमून गेला होता. पारंपरिक वेषातील तुतारीवादक हे या शिवजयंती सोहळ्याचे वैशिष्ट्य ठरले.
यावेळी आमदार राणा जगजितसिंह पाटील, विधानमंडळाचे सचिव जितेंद्र भोळे, सचिव डॉ.विलास आठवले, सहसचिव श्रीमती मेघना तळेकर, शिवदर्शन साठ्ये यांच्यासह इतर अधिकारी व कर्मचाऱ्यांनीही छत्रपती शिवाजी महाराज यांच्या पुतळ्यास गुलाबपुष्प अर्पण करुन अभिवादन केले.
