भंडारा दिनांक 15 : राज्यात प्रचंड प्रतिसाद मिळालेल्या ‘मुख्यमंत्री माझी लाडकी बहीण’ या योजनेच्या संदर्भात आज मुख्यमंत्री एकनाथ शिंदे यांनी भंडारा जिल्ह्यातील महिलांशी संवाद साधला.
जिल्हाधिकारी कार्यालयात ऑनलाईन बैठकीद्वारे हा संवाद साधला. यावेळी जिल्हाधिकारी योगेश कुंभेजक,र मुख्य कार्यकारी अधिकारी समीर कुर्तकोटी, भंडारा नगरपरिषदचे मुख्याधिकारी करण चव्हाण, व अन्य अधिकारी उपस्थित होते.
सौ. समिता भंडारी, सौ. प्रियंका नागपुरे, सौ. रंजना साखरकर, सौ. गीता धकाते यांनी मुख्यमंत्री एकनाथ शिंदे यांचेशी संवाद साधला. या योजनेच्या अंमलबजावणीवर समाधान व्यक्त करत यामुळे आर्थिक रित्या आत्मनिर्भर झाल्याची भावना या माता भगिनींनी व्यक्त केली.
