मुंबई, दि. ६ – मत्स्य व्यवसाय व बंदरे मंत्री नितेश राणे यांनी ट्रॉम्बे येथील मच्छीमार जेट्टीची पाहणी करून आढावा घेतला. यावेळी मुंबई उपनगर जिल्ह्याच्या मत्स्य व्यवसाय उपायुक्त शर्वरी रणदिवे यांच्यासह विभागाचे अधिकारी आणि सागरी महामंडळाचे अधिकारी उपस्थित होते.
ट्रॉम्बे येथे सध्या असलेल्या जेट्टीची विस्तार करून या ठिकाणी ३०० मीटर लांबीची नवीन जेट्टी उभारण्यात येणार आहे. तसेच या ठिकाणी जाळी विणण्यासाठी शेड, प्रसाधनगृह, स्वच्छता गृह बांधण्यात येणार आहे. ६० कोटी ७५ लाख रुपयांच्या या कामाचा आराखडा तयार करून ‘नाबर्ड’ला सादर करण्यात आला आहे. नाबार्डच्या अर्थसहायातून ही जेट्टी बांधण्यात येत असल्याची माहिती यावेळी देण्यात आली. या कामाचा मंत्री श्री. राणे यांनी सविस्तर आढावा घेतला.
०००००
हेमंतकुमार चव्हाण/विसंअ
