‘बृहन्महाराष्ट्रातील महाराष्ट्र’ या विषयावर उद्या ज्येष्ठ पत्रकार प्रभाकर ढगे यांचे व्याख्यान  

नवी दिल्ली, दि. २३ : महाराष्ट्र परिचय केंद्राच्या वतीने आयोजित महाराष्ट्र हीरक महोत्सव व्याख्यानमालेत पणजी (गोवा) येथील ज्येष्ठ पत्रकार तथा लेखक प्रभाकर ढगे हे २४ मार्च २०२१ रोजी  ‘बृहन्महाराष्ट्रातील महाराष्ट्र’ या विषयावर सहावे पुष्प गुंफणार आहेत.

महाराष्ट्र राज्य निर्मितीला पूर्ण झालेले ६० वर्ष आणि महाराष्ट्र परिचय केंद्राच्या स्थापनेच्या हीरक महोत्सवी वर्षानिमित्ताने ‘महाराष्ट्र हीरक महोत्सव व्याख्यानमाला’आयोजित करण्यात आली आहे. २४ मार्च रोजी  व्याख्यानमालेच्या सहाव्या दिवशी  प्रभाकर ढगे सायंकाळी  ५ वाजता आपले विचार मांडणार आहेत.

प्रभाकर ढगे यांच्याविषयी…

श्री. ढगे हे सद्या दै. नित्य समयच्या गोवा आवृत्तीचे संपादक म्हणून कार्यरत आहेत. दैनिक पुढारीच्या गोवा आवृत्तीचे ब्युरो चिफ ते कार्यकारी संपादक असा १४ वर्षांचा त्यांचा प्रदीर्घ अनुभव आहे. मूळचे औरंगाबाद येथील श्री. ढगे , संज्ञापन व वृत्तपत्रविद्येची पदवी व पदव्युत्तर शिक्षण पूर्ण करून पत्रकारिता क्षेत्रात रुळले. प्रारंभी त्यांनी दैनिक अजिंठा (औरंगाबाद) वृत्तपत्रात उपसंपादक पदावर कार्य केले. यानंतर त्यांनी गोवा कार्यक्षेत्र निवडले येथे दै.वर्तमान, दै. गोमंतक,दै. गोवन वार्ता या वृत्तपत्रांमध्ये विविध पदांवर जबाबदारी सांभाळली आहे . गोवा आणि महाराष्ट्रातील विविध महाविद्यालयात पत्रकारिता विषयाचे अध्यापन कार्यही ते करीत आहे.

श्री. ढगे हे उत्तम लेखक आहेत. ‘मनमोर’ हा प्रातिनिधिक काव्यसंग्रह, ‘बापाची शाळा’ हा कथासंग्रह, ‘पत्रकारितेतील सियाचीन शिख’ हा लेखसंग्रह, ‘माध्यम मानस’ हे पत्रकारितेवरील पुस्तक, ‘माझ्या गोव्याच्या भूमीत’ हा लेखसंग्रह प्रसिद्ध आहे. ‘सुखी माणसांचा देश भूतान’ हे प्रवासवर्णनही प्रसिध्द झाले आहे. ‘डॉ.भाई कुडचडकर गौरवग्रंथ’, ‘वन मॅन आर्मी’ आदी ग्रंथांचे त्यांनी संपादनही केले आहे.           

उद्या समाजमाध्यमांतून व्याख्यानाचे प्रसारण  

बुधवार 24 मार्च 2021 रोजी  सायंकाळी 5  वाजता  परिचय केंद्राच्या अधिकृत ट्विटर हँडल , फेसबुक  आणि युट्यूब चॅनेलवरुन व्याख्यान थेट प्रसारित होणार आहे. जास्तीत-जास्त लोकांनी याचा लाभ घ्यावा असे आवाहन करण्यात येत  आहे. हे व्याख्यान परिचय केंद्राचे  ‍मराठी  ट्विटर हँडल https://twitter.com/MahaGovtMic,

हिंदी ट्विटर हँडल https://twitter.com/MahaMicHindi

आणि ‍ इंग्रजी ट्विटर हँडल https://twitter.com/micnewdelhi   वर लाईव्ह पाहता येणार आहे. तसेच कार्यालयाचे फेसबुक प्रोफाईल  https://www.facebook.com/MICNEWDELHI

फेसबुक पेज https://www.facebook.com/micnewdelhiPR/

आणि फेसबुक मीडिया ग्रुप

https://www.facebook.com/groups/525576297610799/?ref=share   तसेच https://www.youtube.com/c/MahaInfoCentreNewDelhi  युट्यूब चॅनेलवर पाहता येणार आहे.

००००

रितेश भुयार  /वृत्त वि. क्र.५७ /दिनांक  २३.०३.२०२१