लोकसभा निवडणुकीसाठी आदर्श आचारसंहितेचे काटेकोरपणे पालन करा – जिल्हाधिकारी जितेंद्र डुडी

सातारा दि. 17 (जि.मा.का.) : भारत निवडणूक आयोगाने लोकसभा सार्वत्रिक निवडणूक-2024 चा कार्यक्रम   जाहीर केला आहे. या कार्यक्रमानुसार सातारा जिल्ह्यात तिसऱ्या टप्प्यात दि. 7 मे 2024 रोजी मतदान होणार आहे. निवडणूक कार्यक्रम जाहीर होताच संपूर्ण देशात 16 मार्च 2024 पासून आदर्श आचारसंहिता लागू करण्यात आली असून निवडणुकीचा निकाल जाहीर होईपर्यंत आदर्श आचारसंहिता लागू राहील. आदर्श आचारसंहितेची जिल्ह्यात काटेकोरपणे अंमलबजावणी करण्यास जिल्हा प्रशासनाचे सर्वोच्च प्राधान्य राहील. आचारसंहितेचे उल्लंघन झाल्यास नियमानुसार कारवाई करण्यात येईल, जिल्हाधिकारी तथा जिल्हा निवडणूक अधिकारी जितेंद्र डुडी यांनी  सांगितले.

लोकसभा निवडणुकीच्या पार्श्वभूमीवर जिल्हाधिकारी कार्यालयात आयोजित पत्रकार परिषदेत ते बोलत होते. यावेळी पोलीस अधीक्षक समीर शेख, अपर जिल्हाधिकारी जीवन गलांडे उपजिल्हा निवडणूक अधिकारी भगवान कांबळे, आदी उपस्थित होते.

जिल्हाधिकारी श्री. डुडी म्हणाले, निवडणूक कार्यक्रमानुसार 45- सातारा लोकसभा मतदारसंघासाठीचा निवडणूक कार्यक्रम पुढीलप्रमाणे आहे. (१) अधिसूचना प्रसिध्दी – शुक्रवार दि. 12 एप्रिल 2024, (२) उमेदवारी अर्ज दाखल करणे दि. 12 ते 19 एप्रिल(३) अर्जाची छाननी – शनिवार दि. 20 एप्रिल 2024, (४) उमेदवारी अर्ज मागे घेण्याची तारीख – सोमवार दि. 22 एप्रिल 2024, (५) मतदानाची तारीख – मंगळवार दि. 7 मे 2024, (६) मतमोजणीची तारीख – मंगळवार दि. 4 जून 2024.

आदर्श आचारसंहिता –‍

आदर्श आचारसंहितेचे पालन करणे सर्व राजकीय पक्षांना व सर्व उमेदवारांना बंधनकारक आहे. त्या अनुषंगाने आचारसंहितेचे उल्लंघन केलेस कडक कारवाई केली जाईल. 43 ‍ठिकाणी SST-113  तसेच FST-99पथके सर्व मतदार संघात कार्यान्वित करणेत येत आहेत.निवडणूकीचे अनुषंगाने जिल्हयामध्ये कोणत्याही प्रकारे पैशाचा व बळाचा गैरवापर होऊ नये याची दक्षता घेणेत येणार आहे.तसेच आर्थिक व वस्तू स्वरुपातील प्रलोभनांवर कडक कारवाई करणेत येणार आहे.तसेच सदर गोष्टीं रोखण्यासाठी सर्व यंत्रणांना सतर्कतेचे आदेश दिले आहेत. राजकीय आरोप वभाषेचा घसरता स्तर याची गंभीर दखल घेऊन, प्रचारा दरम्यान मर्यादेचे उल्लंघन होणार नाही याची दक्षता घ्यावी.प्रचारादरम्यान आक्षेपार्ह व्देष पसरवणारी भाषा वापरणेत येऊ नये.

Seizure From Enforment agencies –

लोकसभा सार्वत्रिक निवडणुकीमध्ये पोलिस,राज्य उत्पादन शुल्क,आयकर विभाग तसेच केंद्रीय व राज्य सेवा कर विभाग  या विभागामार्फत अवैद्य पैसे वाहतूक,पैशाचा गैरवापर,मद्य, व इतर अमली पदार्थ किंवा इतर प्रलोभने रोखण्यासाठी पथकांची नियुक्ती करणेत आलेली आहे. त्यानुसार असे गैरप्रकार आढळलेस सक्त कारवाई करणेत येईल. संशयित बँक व्यवहाराबाबतची यादी बँकेने रोजच्या रोज  कळवावी असे निर्देश देणेत आलेले आहे.

निवडणुकीची तयारी –

सातारा लोकसभा मतदार संघामध्ये SST 43 ‍ठिकाणी 113 पथके असून तसेच FST 99 पथके सर्व मतदार संघात कार्यान्वित करणेत आलेले आहेत.तसेच जास्तीत जास्त  मतदार जागृती करण्यात आलेली आहे.यामध्ये क्रिटीकल पोलींग स्टेशन 65,‍ परदानशिन 14, महिला प्रधान मतदान केंद्र-17,दिव्यांग मतदान केंद्र 17,नवतरुण मतदान केंद्र 17 व इतर 2883 असे एकूण 3025 मतदान केंद्र तयार केली असून सदर मतदान केंद्रासाठी एकूण 27,085  इतके कर्मचारी उपलब्ध केलेले आहेत.मतदान केंद्रावर पाणी,लाईट,स्वच्छता गृह इ.सोय करण्यात आलेली आहे.तसेच 85 वर्षावरील मतदारांसाठी व 40 % पेक्षा जास्त दिव्यांगासाठी 12 D  फॉर्म भरून घेण्यात येणार आहेत. त्यांना होम वोटींगची सुविधा दिली जाणार आहे.

Paid News/ Fake News

लोकसभा सार्वत्रिक निवडणूक 2024 मध्ये पेड न्युज  व फेक न्युज संदर्भात मिडीया सेल तयार करणेत आलेला आहे.त्यानुसार पेड न्युज व फेक न्युज संदर्भात तक्रार प्राप्त झालेस आवश्यक कारवाई करणेत येणार आहे.दिशाभूल करणाऱ्याबातम्या व जाहिराती रोखणेबाबत निर्देश देणेत आलेले आहेत.जिल्हा माहिती अधिकारी या कक्षाच्या प्रमुख आहेत. चुकीच्या व खोट्या बातम्यांचे खंडन तात्काळ करण्यात येईल.

Pre certificate of Adv of political party and candidate –

सर्व उमेदवारांनी त्यांना करावयाचे प्रचार साहित्य हे जिल्हास्तरीय मिडीया सर्टिफिकेट ॲन्ड मॉनिटरींग कमिटी (MCMC) या समितीकडून प्रमाणित करुन घ्यावे. सदरची समिती जिल्हाधिकारी कार्यालयात कार्यरत करण्यात आली आहे.

Procedure of monitoring and reporting / explaining facts of fake news from DEO –

सातारा लोकसभा २०२४ अंतर्गत वर्तमानपत्र तसेच सोशल मिडीयावरील बातम्यांचे अनुषंगाने फेक न्युजची सत्यता पडताळणीसाठी पथकाची नियुक्ती करणेत आलेली आहे. सदरचा कक्ष टी.व्ही.,वर्तमानपत्रे यामधील बातम्यांची तपासणी करुन आवश्यक कार्यवाही केली जाईल.

SVEEP awareness –

स्विप कार्यक्रमांतर्गत मतदानांची टक्केवारी वाढविणेसाठी 134 विविध महाविद्यालयातून विद्यार्थ्यांचे मतदान नोंदणी करणेत आलेली आहे.तसेच पथनाट्ये ,भारूड,कीर्तन व विविध लोककलेच्या माध्यमातून मतदान जास्तीत जास्त करणेबाबत प्रचार व प्रसार करणेत येत आहे.तसेच विविध मतदान जनजागृतीच्या जाहिराती शासकीय महामंडळाच्या बसेस वर लावणेत येणार आहेत. मतदानाची टक्केवारी वाढविण्याकरिता विशेष प्रयत्न केले जात आहेत.

Procedure set up at CEO and DGIPR for giving authorise letter to media person for polling and counting –

लोकसभा सार्वत्रिक निवडणुकीमध्ये सर्व पत्रकारांना निवडणुक व मतमोजणीसाठी प्राधिकार पत्र देणेसाठी मुख्य निवडणूक अधिकारी कार्यालय मुंबई व माहिती महासंचालनालय यांचेकडे व्यवस्था केलेली आहे.

सातारा जिल्हयातील मतदारांना लोकसभा निवडणूकीविषयी काहीही अडीअडचणी शंका असल्यास टोल फ्री क्रं.1950 या वर संपर्क करु शकता . तरी सर्व मतदारांनी सक्रिय सहभाग घेऊन जिल्हयात जास्तीत जास्त मतदान करुन लोकशाही मजबुत करावी असे आवाहन   जिल्हाधिकारी श्री. डुडी यांनी केले.

0000