छत्रपती संभाजीनगर,दि.26 (जिमाका)- अल्पसंख्याक आयुक्तालय हे अल्पसंख्याक समाजातील व्यक्तींच्या शिक्षण, रोजगारासह सर्वांगीण विकासासाठी कार्य करेल, असा विश्वास अल्पसंख्याक विकास विभागाचे मंत्री अब्दुल सत्तार यांनी आज येथे केले.
आज श्री. सत्तार यांच्या हस्ते हज हाऊस येथे अल्पसंख्याक आयुक्तालयाचे उद्घाटन करण्यात आले. विभागीय आयुक्त दिलीप गावडे, अल्पसंख्याक आयुक्त मोईन ताशिलदार, जिल्हाधिकारी दिलीप स्वामी, जिल्हा परिषदेचे मुख्य कार्यकारी अधिकारी विकास मीना,पोलीस अधीक्षक मनीष कलवानिया, जिल्हा नियोजन अधिकारी भारत वायाळ यांच्यासह अन्य मान्यवर उपस्थित होते.
मंत्री सत्तार म्हणाले की देशातील पहिले अल्पसंख्याक आयुक्तालय छत्रपती संभाजीनगर येथे होत असून या आयुक्तालयाअंतर्गत अल्पसंख्याक समाजातील विविध घटकातील लोकांसाठी विविध विकास योजना अंमलबजावणी,पाठपुरावा करून त्यांना वेळीच लाभ देणे शक्य होईल. करण्यात येणार आहे असे यावेळी सांगितले अल्पसंख्याक आयुक्तालयामुळे अर्जदाराच्या अर्जावर तात्काळ कारवाई होऊन सर्वसामान्यांना न्याय मिळण्याची प्रक्रिया जलद मदत होईल.
अल्पसंख्याक विभागाच्या विकासासाठी शासनाकडून जास्तीत जास्त निधी मिळवून देण्यासाठी हे एक विभाग कार्य करणार असल्याचेही सत्तार यांनी सांगितले. शिष्यवृत्ती रोज शिष्यवृत्ती रोजगार उर्दू घर यासारख्या विविध सुविधा या आयुक्तालय मार्फत उपलब्ध करून देण्यात येणार आहेत. व संबंधित विविध विभागाचे एकत्रित समन्वयन व शासन व अल्पसंख्याक विभाग हा सर्वसामान्यांना न्याय मिळवून देणारा एक दुवा ठरेल असा विश्वास मंत्री श्री. सत्तार यांनी व्यक्त केला.
भागीय आयुक्त दिलीप गावडे, जिल्हाधिकारी दिलीप स्वामी,अल्पसंख्याक आयुक्त मोईन तहसीलदार यांनी आपले मनोगत व्यक्त केले.
