नवी दिल्ली, दि.20 : महाराष्ट्र सदन व महाराष्ट्र परिचय केंद्रात सद्भावना दिनानिमित्त अभिवादन करण्यात आले.
दिवंगत प्रधानमंत्री राजीव गांधी यांच्या जयंतीनिमित्त सद्भावना दिन साजरा करण्यात येतो. यानिमित्त कोपर्निकस मार्ग स्थित महाराष्ट्र सदनातील सभागृहात आयोजित कार्यक्रमात निवासी आयुक्त तथा प्रधान सचिव रुपिंदर सिंग यांनी उपस्थित अधिकारी व कर्मचाऱ्यांना सद्भावना दिनाची शपथ दिली. यावेळी रुपिंदर सिंग यांनी राजीव गांधी यांच्या प्रतिमेस अभिवादन केले.
यावेळी अपर निवासी आयुक्त नीवा जैन, सहायक निवासी आयुक्त डॉ. राजेश अडपावार व स्मिता शेलार इतर अधिकारी-कर्मचाऱ्यांनीही राजीव गांधी यांना आदरांजली वाहिली.
महाराष्ट्र परिचय केंद्रात सद्भावना दिन
महाराष्ट्र परिचय केंद्रात सद्भावना दिनी महाराष्ट्र परिचय केंद्राच्या (प्रभारी) उपसंचालक (माहिती) अमरज्योत कौर अरोरा यांनी उपस्थित कर्मचाऱ्यांना सद्भावना दिनाची शपथ दिली. श्रीमती अरोरा यांनी राजीव गांधी यांच्या प्रतिमेस अभिवादन केले.
0000
