नवी दिल्ली, 12 : संत रविदास महाराज जयंतीदिनी महाराष्ट्र सदनात आणि महाराष्ट्र परिचय केंद्रात अभिवादन करण्यात आले.
कोपर्निकस मार्गस्थित महाराष्ट्र सदनातील सभागृहात आयोजित कार्यक्रमात प्रभारी निवासी आयुक्त निवा जैन यांनी संत रविदास महाराज यांच्या प्रतिमेस पुष्पहार अर्पण करून अभिवादन केले. यावेळी सहायक निवासी आयुक्त डॉ.राजेश अडपावर यांच्यासह महाराष्ट्र सदनातील उपस्थित अधिकारी-कर्मचा-यांनी प्रतिमेस पुष्प अर्पण करून अभिवादन केले.
महाराष्ट्र परिचय केंद्रात संत रविदास महाराज जयंती दिनी अभिवादन
महाराष्ट्र परिचय केंद्रातही संत रविदास महाराज जयंतीदिनी अभिवादन करण्यात आले. माहिती अधिकारी अंजू निमसरकर यांनी प्रतिमेस पुष्प अर्पण करून विनम्र अभिवादन केले. यावेळी उपस्थित कर्मचाऱ्यांनी प्रतिमेस पुष्प अर्पण करून अभिवादन केले.
000
अंजु निमसरकर/वृत्त वि. क्र.36 / दिनांक 12.02.2025
