नवी दिल्ली, १५: भारतीय स्वातंत्र्याच्या ७९ व्या स्वातंत्र्य दिनानिमित्त राजधानीतील दोन्ही महाराष्ट्र सदनामध्ये निवासी आयुक्त तथा सचिव आर विमला यांच्या हस्ते ध्वजारोहण करण्यात आले.
कोपर्निकस मार्ग स्थित आणि कस्तुरबा गांधी मार्ग स्थित महाराष्ट्र सदनामध्ये ध्वजारोहण करण्यात आले. यावेळी समूह राष्ट्रगीतासह राज्य गीताचे सादरीकरण आणि महाराष्ट्र सुरक्षा बलाचे पथसंचलन झाले.
या कार्यकमास महाराष्ट्र सदनच्या सहाय्यक निवासी आयुक्त स्मिता शेलार, सार्वजनिक बांधकाम विभागाचे अभियंता किरण चौधरी, श्री. गंगवार महाराष्ट्र परिचय केंद्राच्या माहिती अधिकारी अंजू निमसरकर, लेखा अधिकारी निलेश केदारे व्यवस्थापक प्रमोद कोलपते, सारिका शेलार, प्रियंका नागे, सुरक्षा सहाय्यक अधिकारी अनिल चोरगे यांच्यासह महाराष्ट्र सदन व महाराष्ट्र परिचय केंद्राचे अधिकारी व कर्मचारी उपस्थित होते. महाराष्ट्र सदनात निवासास असणारे अभ्यागत तसेच दिल्ली स्थित महाराष्ट्र शासनाच्या विविध कार्यालयाचे अधिकाऱी – कर्मचारी या ध्वजारोहण सोहळ्यास उपस्थित होते.
राजधानी दिल्लीतील लाल किल्ल्यावर पंतप्रधान नरेंद्र मोदी यांच्या हस्ते ध्वजारोहणाचा भव्य सोहळा पार पडला. दिल्ली सरकारच्या विविध मंत्रालयांमध्येही ध्वजारोहणाचे कार्यक्रम आयोजित करण्यात आले. दिल्लीतील प्रमुख रस्त्यांवर आकर्षक सजावट करण्यात आली असून, ठिकठिकाणी सेल्फी पॉइंट्स उभारण्यात आलेले आहेत.
0000
