मुंबई,दि.26 : माहिती व जनसंपर्क महासंचालनालय निर्मित‘जय महाराष्ट्र’कार्यक्रमात’सहज व सुलभ तत्पर सेवा’या विषयावर नोंदणी महानिरीक्षक व मुद्रांक नियंत्रक अनिल कवडे यांची विशेष मुलाखत प्रसारित होणार आहे. ही मुलाखत दूरदर्शनच्या सह्याद्री वाहिनीवरून शुक्रवार दि.27 डिसेंबर 2019 रोजी संध्याकाळी 7.30 वाजता प्रक्षेपित होणार आहे. निवेदिका पल्लवी मुजूमदार यांनी ही मुलाखत घेतली आहे.
नोंदणी व मुद्रांक विभाग यंत्रणेची कार्यप्रणाली,नागरिकांना कामामध्ये सुलभता यावी याकरिता सुरू असलेले ई-उपक्रम,नोटीस ऑफ इंटीमेशन म्हणजे काय?बनावट व्यक्तीचा वापर करून दस्त नोंदणी करणे असे गैरप्रकार रोखण्यासाठी विभागाने केलेल्या उपाययोजना, मिळकतीचे घरबसल्या मूल्यांकन, दस्त नोंदणीसाठी शुल्क ऑनलाईन भरणे, विभागामार्फत सुरु असलेले नवीन ई -उपक्रम या विषयाची माहिती श्री.कवडे यांनी ‘जय महाराष्ट्र‘ कार्यक्रमात दिली आहे
००००
