भरती प्रक्रियेसाठी महापोर्टलची क्षमता वाढविणार
– मुख्यमंत्री उद्धव ठाकरे
नागपूर, दि. 18 : राज्य शासनाच्या पशुसंवर्धन विभागातील विविध पदांच्या भरतीसाठी मोठ्या प्रमाणात अर्ज आले असून एवढ्या मोठ्या प्रमाणातील विद्यार्थ्यांची ऑनलाईन परीक्षा घेण्यास महापोर्टलची क्षमता कमी पडणार आहे. त्यामुळे महापोर्टलची क्षमता वाढेपर्यंत या भरती प्रक्रियेला स्थगिती देण्यात आली आहे. तसेच महापोर्टलसंदर्भात परीक्षार्थींच्या भावना लक्षात घेऊन या परीक्षा पद्धतीत आवश्यक बदल करण्यात येणार असल्याची माहिती मुख्यमंत्री उद्धव ठाकरे यांनी आज विधानपरिषदेत लक्षवेधीला उत्तर देताना दिली.
विधानपरिषद सदस्य सर्वश्री सतीश चव्हाण, किरण पावसकर, हेमंत टकले, सतेज ऊर्फ बंटी पाटील आदी सदस्यांनी ही लक्षवेधी मांडली होती.
मुख्यमंत्री म्हणाले, ‘महाआयटी’च्या माध्यमातून महापोर्टलद्वारे राज्य शासनाच्या विविध विभागातील वेगवेगळ्या पदांसाठी भरती प्रक्रिया घेतली जाते. यासाठी विषयतज्ज्ञ प्रश्नपत्रिका तयार करीत असतात. ही परीक्षा ऑनलाईन पद्धतीने राज्यातील वेगवेगळ्या 67 केंद्रांवर घेतली जाते. या प्रक्रियेसंदर्भात आलेल्या तक्रारींवरून यापूर्वी दोन वेळा चौकशी करण्यात आली असून आणखी एकदा चौकशी सुरू आहे. तसेच महापरीक्षा पोर्टलचे त्रयस्थ संस्थेमार्फत तांत्रिक परीक्षण करण्यात येत आहे. या परीक्षणाच्या अहवालाच्या आधारे महा ई परीक्षा पद्धतीत आवश्यक बदल करण्यात येतील. परीक्षार्थींवर कोणताही अन्याय होऊ नये, यासाठी राज्य शासन सतर्क आहे.
००००
अकोल्यासह राज्यातील विमानतळांना सर्व सोयीसुविधा पुरविणार – मुख्यमंत्री उद्धव ठाकरे
नागपूर दि. 18 :अकोला (शिवणी) विमानतळाच्या प्रलंबित समस्यांसह राज्यातील इतरही विमानतळांच्या प्रलंबित समस्या सोडविण्यासाठी लवकरच संबंधितांची बैठक घेऊन राज्यातील विमानतळांना सर्व सोयीसुविधा पुरविणार असल्याची माहिती मुख्यमंत्री उद्धव ठाकरे यांनी विधानपरिषदेत दिली.
या संबंधीची लक्षवेधी सूचना सदस्य गोपीकिशन बाजोरिया, यांनी मांडली होती.
श्री. ठाकरे म्हणाले, अकोला (शिवणी) विमानतळाची धावपट्टी, जमिनीचे भूसंपादन व इतर प्रलंबित प्रश्नांबाबतची माहिती उपलब्ध झाली असून याबाबत सर्व संबंधित लोकप्रतिनिधी व अधिकाऱ्यांची बैठक घेऊन हे प्रश्न लवकरात लवकर सोडविले जातील. या बैठकीतच राज्यातील इतर विमानतळांच्या प्रलंबित प्रश्नांच्या सोडवणुकीसाठी निर्णय घेऊन त्या विमानतळांनाही सर्व सोयीसुविधा पुरविणार असल्याचेही श्री.ठाकरे यांनी यावेळी सांगितले.
या चर्चेत विधानपरिषदेचे विरोधी पक्षनेते प्रवीण दरेकर, सदस्य सर्वश्री डॉ.रणजित पाटील, शरद रणपिसे, रवींद्र फाटक यांनी सहभाग घेतला.
00000
मुंबईतील ॲन्टॉप हिलचे विजय सिंह यांच्या
मृत्यू प्रकरणाची एसआयटीमार्फत चौकशी – एकनाथ शिंदे
नागपूर दि. 18 : मुंबईतील वडाळा येथील पोलीस ठाण्यात चौकशीसाठी गेलेल्या ॲन्टॉप हिलचे विजय सिंह यांच्या मृत्यू प्रकरणाची चौकशी एसआयटीमार्फत (विशेष तपास पथक) करण्यात येणार असल्याची माहिती गृहमंत्री एकनाथ शिंदे यांनी विधानपरिषदेत लक्षवेधीवरील सूचनेच्या चर्चेच्या वेळी दिली.
या विषयासंबंधीची लक्षवेधी सूचना सदस्य भाई गिरकर यांनी मांडली होती.
यावेळी श्री.शिंदे म्हणाले, या प्रकरणात एक पोलीस उपनिरीक्षक, एक सहायक पोलीस निरीक्षक, एक हेड कॉन्स्टेबल, एक पोलीस नाईक व एक पोलीस कॉन्स्टेबल यांना 29 ऑक्टोबर, 2019 रोजी निलंबित करण्यात आले आहे. सध्या या प्रकरणाची चौकशी गु.प्र.शा., गु.अ.वि.कक्ष-4 यांच्याकडून करण्यात येत आहे. या प्रकरणी के.ई.एम. हॉस्प‍िटलकडील डेथ ऑफ कॉजचा अंतिम अहवाल येणे बाकी आहे.
राज्यात अशा प्रकारच्या घटना पुन्हा घडू नयेत तसेच सदस्यांनी केलेली मागणी व त्यांच्या भावना लक्षात घेता या प्रकरणाची एसआयटीमार्फत चौकशी करण्यात येणार आहे, असे श्री.शिंदे यांनी यावेळी सांगितले.
या चर्चेत विधानपरिषदेचे विरोधी पक्ष नेते प्रवीण दरेकर, सदस्य सर्वश्री डॉ.रणजित पाटील, प्रसाद लाड, हेमंत टकले, श्रीमती विद्या चव्हाण यांनी सहभाग घेतला.
00000
पालघरच्या भूकंप प्रभावित नागरिकांना प्रशिक्षणाबरोबरच सर्व प्रकारची मदत – सुभाष देसाई
नागपूर, दि. 18 :पालघर जिल्ह्यात मागील दोन वर्षात भूकंपाचे अनेक धक्के जाणवले. या भूकंप प्रभावित परिसरामधील नागरिकांना भूकंपाच्या धक्क्याच्या अनुषंगाने जनजागृती व आपत्कालीन कार्यवाहीचे प्रशिक्षण आणि सर्वतोपरी मदत देण्यात येत असल्याची माहिती भूकंप पुनवर्सनमंत्री सुभाष देसाई यांनी विधानपरिषदेत दिली.
या संबंधीची लक्षवेधी सूचना सदस्य आनंद ठाकूर यांनी मांडली होती.
यावेळी श्री. देसाई म्हणाले, पालघर जिल्ह्यात बसणाऱ्या भूकंपाच्या धक्क्यांबाबत जिल्हा आपत्ती व्यवस्थापन प्राधिकरणामार्फत आवश्यक त्या उपाययोजना राबविण्यात येत आहेत, तसेच स्थानिक जनतेच्या मनामध्ये कोणत्याही प्रकारच्या भीतीचे वातावरण निर्माण होऊ नये, म्हणून मोठ्या प्रमाणावर जनजागृती कार्यक्रम शालेय स्तरावरून तसेच गावागावातील नागरिकांपर्यंत मोठ्या प्रमाणात राबविण्यात आलेला आहे. यापुढेही राबविण्यात येणार आहे. त्याचप्रमाणे आपत्कालीन परिस्थिती उद्भवणार नाही यासाठी एनडीआरएफ. (NDRF), सिव्हिल डिफेन्स (Civil Defence) मार्फत वेळोवेळी प्रशिक्षण देखील देण्यात येत आहे.
भूकंपाबाबतच्या अभ्यासासाठी नॅशनल जिऑग्राफिक रिसर्च इन्स्टिट्यूट, हैद्राबाद यांचे पथक, डहाणू तालुक्यात 20 जानेवारी ते 11 नोव्हेंबर 2019कार्यरत होते. तसेच भारतीय प्रौद्योगिक संस्था, मुंबई (IIT MUMBAI) येथील प्रा.रवि सिन्हा यांच्या समितीने शिफारस केल्यानुसार भूकंपग्रस्त भागातील भातसा व धामणी धरणावर एक्यलेरोमिटर बसविण्याची कार्यवाही सुरु आहे.
या चर्चेत सदस्यश्री रविंद्र फाटक यांनी सहभाग घेतला.
00000
महिलांवर अत्याचार करणाऱ्यांवर वचक बसविण्यासाठी
‘आंध्र’च्या धर्तीवर ‘दिशा’सारखा कायदा करण्यासाठी शासन सकारात्मक – गृहमंत्री एकनाथ शिंदे
नागपूर दि. 18 : महिलांवरील अत्याचार रोखण्यासाठी, राज्यात महिला व मुलींना निर्भयपणे वावरता यावे आणि गुन्हेगारांवर वचक बसावा, यासाठी राज्यामध्ये आंध्र प्रदेशच्या धर्तीवर ‘दिशा’सारखा कायदा करण्याबाबत राज्य सरकार गांभीर्याने विचार करत असल्याची माहिती गृहमंत्री एकनाथ शिंदे यांनी आज विधानपरिषदेत दिली.
यासंबंधीची लक्षवेधी सूचना सदस्य डॉ.मनीषा कांयदे यांनी मांडली होती.
श्री. शिंदे म्हणाले, महिलांमध्ये कुठल्याही प्रकारचे भय राहाता कामा नये, हे राज्य सरकारचे उद्दिष्ट आहे. प्रत्येक घटकाला न्याय देण्यासाठी सरकार कटिबद्ध आहे. महिलांना सुरक्षित वावरता आले पाहिजे, यासाठी अस्तित्वातील नियम व कायदे कठोरपणे राबवण्याबरोबरच कमीत कमी वेळेत महिला अत्याचाराच्या गुन्ह्यांचा छडा लावून गुन्हेगाराला शिक्षा व्हावी, यासाठी आंध्र प्रदेशातील दिशा कायद्याच्या धर्तीवर कायदा करण्याबाबत राज्य सरकार गांभीर्याने विचार करत आहे. याबाबत मुख्यमंत्री व पोलीस महासंचालक यांच्याशी चर्चा झाली आहे. दिशा कायद्याबाबत माहिती घेतली असून तशा प्रकारचा कायदा करण्यासाठी अस्तित्वातील कायद्यांमध्ये काय बदल करणे गरजेचे आहे, यासंदर्भात विधी व न्याय विभागाचा सल्ला घेऊन पुढील कार्यवाही करण्यात येईल.
महिला तसेच बालकांवरील अत्याचारांना आळा घालण्यासाठी राज्य सरकारतर्फे उचलण्यात आलेल्या पावलांचीही माहिती देऊन श्री. शिंदे म्हणाले, अशा प्रकारच्या अत्याचारांमध्ये खटले वेगाने निकाली निघावेत, यासाठी राज्यात 25 विशेष न्यायालये आणि 27 जलदगती न्यायालये स्थापन झाली आहेत. तसेच, केंद्राने महाराष्ट्रासाठी बालकांवरील अत्याचारांच्या खटल्यांसाठी 30 विशेष न्यायालये आणि महिलांवरील अत्याचारांच्या खटल्यासाठी 108 विशेष फास्ट ट्रॅक कोर्ट नुकतीच मंजूर केली आहेत. त्यामुळे खटले वेगाने निकाली निघून गुन्हेगारांवर जरब बसण्यास मदत होईल.
सायबर गुन्ह्यांची उकल करण्यासाठी राज्यात 47 पैकी 43 पोलिस ठाणी कार्यान्वित झाली आहेत. सायबर क्राइम विभागातील 164 हंगामी जागा दोन महिन्यांत भरण्यात येतील, अशी घोषणाही त्यांनी यावेळी केली.
या चर्चेत विधानपरिषदेचे विरोधी पक्षनेते प्रवीण दरेकर, सदस्य सर्वश्री डॉ.रणजित पाटील, अंबादास दानवे, सुरेश धस, प्रवीण पोटे-पाटील, पृथ्वीराज देशमुख, जोगेंद्र कवाडे, रविंद्र फाटक, गिरीष व्यास, विलास पोतनिस, ॲड. हुस्नबानू खलिफे, श्रीमती विद्या चव्हाण यांनी सहभाग घेतला.
यावेळी विधानपरिषदेच्या उपसभापती श्रीमती नीलम गोऱ्हे यांनी महिलांवरील अत्याचार रोखण्यासाठी करावयाच्या उपाययोजनांबाबतची आढावा बैठक उपसभापतींच्या दालनात आयोजित करण्याचे निर्देश दिले.
00000
गोंदिया-भंडारा जिल्ह्यातील धान खरेदीची रक्कम तातडीने वितरित करणार – छगन भुजबळ
नागपूर, दि. 18 : गोंदिया व भंडारा जिल्ह्यातील धान उत्पादक शेतकऱ्यांना त्यांच्याकडून खरेदी केलेल्या धानाचे चुकारे तातडीने देण्यासाठी सुमारे 13 कोटी 80लाख रुपयांचा निधी वितरीत करण्याची कार्यवाही सुरू आहे. कोकणातील धान खरेदीचे चुकारेही तातडीने करण्याच्या सूचना देण्यात येत असल्याची माहिती अन्न, नागरी पुरवठा व ग्राहक संरक्षणमंत्री छगन भुजबळ यांनी आज विधानपरिषदेत दिली.
विधानपरिषद सदस्य सर्वश्री रामदास आंबटकर, प्रा. अनिल सोले, नागोराव गाणार, गिरीशचंद्र व्यास आदी सदस्यांनी विचारलेल्या लक्षवेधीवर श्री. भुजबळ बोलत होते.
श्री. भुजबळ म्हणाले, भंडारा व गोंदिया जिल्ह्यातील धान उत्पादक शेतकऱ्यांना किमान आधारभूत किंमत दराने आतापर्यंत 13 कोटी 80 लाख रुपयांचे वाटप करण्याची कार्यवाही सुरू आहे. भंडारा जिल्ह्यातील 13 हजार 338 शेतकऱ्यांकडून एकूण 5 लाख 1हजार 804 क्विंटल धानाची खरेदी करण्यात आली आहे. या धान खरेदीसाठी किमान आधारभूत किंमत दराने 91.07 कोटी देय असून आतापर्यंत 9 हजार 790 शेतकऱ्यांना 54.67 कोटी रक्कमेचे ऑनलाईन वाटप करण्यात आले आहेत. तर उर्वरित 22.62 कोटी रक्कमेचे वाटप लवकरात लवकर करण्यात येणार आहे. अवकाळी पावसामुळे नुकसान झालेल्या शेतकऱ्यांना राज्य शासनामार्फत वेगवेगळ्या प्रकारे मदत केली जात आहे. त्यामध्ये धान उत्पादक शेतकऱ्यांचाही समावेश आहे. याचबरोबर धान उत्पादक शेतकऱ्यांना हमीभाव दरापेक्षा 500 रुपये प्रोत्साहन राशी देण्यात येणार आहे.
धान ठेवण्यासाठी गोदामे भाडेतत्वावर घेऊन खरेदी केलेले धान सुरक्षित ठेवण्याच्या सूचना देण्यात येतील, असेही त्यांनी यावेळी सांगितले.
००००
ठाण्यातील मेट्रो मार्गिकेलगतच्या जागेवरील बांधकामप्रकरणी चौकशी करणार – एकनाथ शिंदे
नागपूर, दि. 18 : मुंबई महानगर प्रादेशिक विकास प्राधिकरणामार्फत सुरू असलेल्या मेट्रो मार्ग 5 (ठाणे-भिवंडी-कल्याण) च्या मार्गिकेलगतच्या जागेवरील बांधकामासाठी ‘एमएमआरडीए’चे ना हरकत प्रमाणपत्र न घेता बांधकाम परवानगी दिल्या प्रकरणाची चौकशी करून पंधरा दिवसात अहवाल सादर करण्याचे निर्देश ‘एमएमआरडीए’ला देण्यात येत असल्याचे व याप्रकरणी दोषींवर योग्य ती कारवाई करण्यात येणार असल्याचे नगरविकासमंत्री एकनाथ शिंदे यांनी विधानपरिषदेत आज सांगितले.
विधानपरिषद सदस्य ॲड. अनिल परब यांनी मांडलेल्या लक्षवेधी सूचनेवर श्री. शिंदे बोलत होते. ते म्हणाले, मेट्रो मार्गिकेलगतच्या जागेवर बांधकाम सुरू करण्यापूर्वी एमएमआरडीएकडून ना हरकत दाखला प्राप्त करणे आवश्यक आहे. मात्र, मेट्रो 5 च्या मार्गिके लगतच्या बांधकामांना ना हरकत दाखला न घेता कल्याण डोंबिवली महानगरपालिकेमार्फत परवानगी देण्यात आली असल्याचे निर्दशनास आले आहे. या प्रकरणी ‘एमएमआरडीए’कडून चौकशी अहवाल मागविण्यात येणार आहे. या प्रकरणी महानगरपालिकेच्या संबंधित अधिकाऱ्यांना कारणे दाखवा नोटीसा बजावून खुलासा मागविण्यात आला आहे.
या सूचनेवरील चर्चेत सदस्य सर्वश्री प्रवीण दरेकर, भाई जगताप, जयंत पाटील आदींनी सहभाग घेतला.
००००
सर्व शाळांमध्ये दहावीपर्यंत मराठी विषय
सक्तीचा करण्यासंदर्भात बैठक घेण्याचे सभापतींचे निर्देश
नागपूर, दि. 18 : राज्यातील सर्व शाळांमध्ये इयत्ता दहावीपर्यंत मराठी भाषा विषय सक्तीचा करण्यासंदर्भात मुख्यमंत्री महोदयांबरोबर शालेय शिक्षणमंत्री, वित्तमंत्री व संबंधित अधिकाऱ्यांची बैठक घेऊन लक्षवेधी सूचनेवर अंमलबजावणी करावी, असे निर्देश विधानपरिषद सभापती रामराजे नाईक निंबाळकर यांनी दिले.
विधानपरिषद सदस्य श्री. विलास पोतनीस यांनी राज्यातील शाळांमध्ये मराठी भाषा विषय सक्तीचा करण्यासंदर्भात लक्षवेधी सूचना मांडली होती. त्यावर सभापतींनी शिक्षणमंत्र्यांना निर्देश दिले.
शिक्षणमंत्री बाळासाहेब थोरात म्हणाले, सर्व शिक्षण मंडळाच्या शाळांमध्ये इयत्ता आठवीपर्यंत मराठी भाषा विषय सक्तीचा आहे. मात्र, दहावीला हा विषय ऐच्छिक आहे. दहावीलासुद्धा मातृभाषा विषय सक्तीचा करण्यासंदर्भात इतर राज्यांनी केलेल्या उपाययोजनांचा अभ्यास करून राज्यातही मराठी विषय सक्तीचा करण्यासंदर्भात योग्य तो निर्णय घेण्यात येईल.
या विषयावरील चर्चेत विरोधी पक्षनेते प्रवीण दरेकर, हेमंत टकले, रामदास कदम, ॲड. अनिल परब आदी सदस्यांनी सहभाग घेतला.
००००
शिक्षण विभागात नेमलेले 33 अभ्यास गट रद्द – बाळासाहेब थोरात
नागपूर, दि. 18 : राज्यातील शाळांना प्रतिविद्यार्थी वेतन अनुदान देण्याचा व इतर मुद्यांबाबत अभ्यास करण्यासाठी शिक्षण आयुक्तांनी नेमलेले विविध 33 अभ्यास गट रद्द करण्यात येत असल्याची घोषणा शालेय शिक्षणमंत्री बाळासाहेब थोरात यांनी विधानपरिषदेत केली.
विधानपरिषद सदस्य कपिल पाटील यांनी मांडलेल्या लक्षवेधी सूचनेवर श्री. थोरात यांनी ही घोषणा केली.
श्री. थोरात म्हणाले, राज्यातील टप्पा अनुदानावर असलेल्या तसेच विना अनुदानित शाळा/तुकड्या/अतिरिक्त शाखांना अनुदान धोरणामध्ये सुधारणेसाठी विचार करून धोरणात्मक बदल करण्यासंदर्भात शिक्षण आयुक्तांनी हे 33 अभ्यास गट नेमले होते. शिक्षणाची गुणवत्ता वाढविणे, शिक्षक वेतनाऐवजी प्रति विद्यार्थी अनुदान आदी बाबींचा यामध्ये अभ्यास करण्यात येणार होता. मात्र, यासंदर्भात शिक्षकांची तसेच लोकप्रतिनिधींची भावना लक्षात घेऊन हे अभ्यास गट रद्द करण्यात येत आहेत.
००००
महाराष्ट्र सागरी मासेमारी अधिनियमात सुधारणा करणार
– बाळासाहेब थोरात
नागपूर, दि. 18 : एलईडी दिवे व पर्ससिन नेटद्वारे होणारी मासेमारी रोखण्यासाठी महाराष्ट्र सागरी मासेमारी नियमन अधिनियम 1981 मध्ये काळानुरुप बदल करण्यात येणार असून नवीन नियमांची कडक अंमलबजावणी करणार असल्याची घोषणा पशुसंवर्धनमंत्री बाळासाहेब थोरात यांनी विधानपरिषदेत केली. तसेच वादळामुळे नुकसान झालेल्या मच्छिमारांना मदतीसाठी 5 कोटी रुपयांचे तातडीने वितरण करण्यात येणार असून आवश्यक असल्यास आणखी निधी देण्यात येणार असल्याचेही त्यांनी यावेळी सांगितले.
सदस्य श्रीमती हुस्नबानो खलिफे यांनी मांडलेल्या लक्षवेधी सूचनेवर श्री. थोरात बोलत होते. ते म्हणाले, एलईडी दिवे लावून व पर्ससिन नेटद्वारे मासेमारी करण्यास बंदी आहे. मात्र, तरीही अनेक ठिकाणी अशा प्रकारे मासेमारी केली जाते. त्यावर मत्स्य संवर्धन विभागामार्फत कारवाई केली जाते. मात्र, या प्रकाराला आळा घालण्यासाठी अधिनियमात दुरुस्ती करणे आवश्यक आहे. त्यासाठी राज्य शासन लवकरच कार्यवाही करणार आहे. त्यामध्ये या क्षेत्रातील तज्ज्ञांच्या सूचनांचा विचार केला जाईल.
या चर्चेत सदस्य सर्वश्री. जयंत पाटील, किरण पावसकर, भाई जगताप, अनिकेत तटकरे, रमेश पाटील आदींनी सहभाग घेतला.
००००
चित्रकला, फार्मसी महाविद्यालयांना 100 टक्के
अनुदान देण्याबाबत शासन सकारात्मक– सुभाष देसाई
नागपूर, दि. 18 : उच्च व तंत्र शिक्षण विभागाच्या अंतर्गत असलेल्या चित्रकला व फार्मसी महाविद्यालयांना शंभर टक्के वेतन अनुदान देण्यासंदर्भात राज्य शासन सकारात्मक आहे. तसेच वरिष्ठ महाविद्यालयातील शिक्षकांच्या सातव्या वेतन आयोगासंदर्भात काही त्रुटी असतील तर त्या दूर केल्या जातील, अशी माहिती उच्च व तंत्रशिक्षणमंत्री सुभाष देसाई यांनी आज दिली.
विधानपरिषदेत सदस्य सर्वश्री विक्रम काळे, सतीश चव्हाण, डॉ. सुधीर तांबे, बाळाराम पाटील यांनी मांडलेल्या लक्षवेधी सुचनेवर श्री. देसाई बोलत होते.
श्री. देसाई म्हणाले, चित्रकला व फार्मसी महाविद्यालयातील कर्मचाऱ्यांचा वेतनासाठी सध्या 90 टक्के अनुदान देण्यात येते. हे अनुदान शंभर टक्के देण्यासंदर्भात शासन सकारात्मक आहे. कायम विनाअनुदानित तत्त्वावरील महाविद्यालयांचा कायम हा शब्द काढण्यासाठी बैठक घेऊन योग्य तो निर्णय घेण्यात येईल.
००००
‘सारथी’ मार्फत देण्यात येणाऱ्या शिष्यवृत्ती योजना सुरूच राहणार – डॉ. नितीन राऊत
नागपूर, दि. 18 : राज्य शासनाने स्थापन केलेल्या छत्रपती शाहू महाराज संशोधन, प्रशिक्षण व मानव विकास संस्थेमार्फत (सारथी) देण्यात येणाऱ्या कोणत्याही शिष्यवृत्ती थांबविण्यात आल्या नाहीत सारथीच्या शिष्यवृत्ती योजना सुरुच राहणार असल्याची माहिती इतर मागास वर्ग, सामाजिक व शैक्षणिक मागास प्रवर्ग, विजाभज व विमाप्र कल्याण मंत्री डॉ. नितीन राऊत यांनी दिली.
विधानपरिषदेत सदस्य सर्वश्री विनायक मेटे, सदाशिव खोत, अंबादास दानवे, प्रवीण दरेकर आदींनी मांडलेल्या लक्षवेधी सूचनेवर डॉ. राऊत बोलत होते.
डॉ. राऊत म्हणाले, सारथी संस्थेमार्फत मराठा समाजातील विद्यार्थ्यांना स्पर्धा परीक्षेच्या तयारीसाठी शिष्यवृत्ती देण्यात येते. ही शिष्यवृत्ती यापुढील काळातही सुरूच राहणार आहे. यासंबंधी यापूर्वी काढलेले परिपत्रक रद्द करण्यात आले आहे. तसेच या संस्थेची स्वायता संपुष्टात आणण्याचा अथवा मराठा, कुणबी, कुणबी मराठा समाजाच्या विद्यार्थ्यांच्या हिताच्या कल्याणकारी उपक्रमांवर बंदी घालण्याचा शासनाचा कोणताही हेतू नाही. संस्थेचे कामकाज शासकीय नियमानुसार व्हावे व मराठा समाजातील तरुणांना योजनांचा लाभ मिळावा, यासाठी शासन प्रयत्नशील आहे.
००००
अकोला समेत राज्य के हवाईअड्डे को सभी सुविधाएं दी जाएगी
– मुख्यमंत्री उद्धव ठाकरे
नागपुर दि. 18 : अकोला (शिवणी) हवाईअड्डे की प्रलंबित समस्या सहित राज्य के अन्य हवाईअड्डों की भी प्रलंबित समस्याओं का निराकरन करने के लिए जल्द ही संबंधितों से बैठक लेकर राज्य के हवाईअड्डे को सभी सुविधाएं दी जाएगी, यह जानकारी मुख्यमंत्री उद्धव ठाकरे ने विधानपरिषद में दी।
इससे संबंधित ध्यानकर्षण सूचना सदस्य गोपीकिशन बाजोरिया ने रखी थी।
इस पर श्री. ठाकरे ने कहा कि अकोला (शिवणी) हवाईअड्डे का (धावपट्टी) रनवे, भूमि अधिग्रहण एवं अन्य प्रलंबित समस्याओं की जानकारी उपलब्ध हुई है और इस पर सभी संबंधित जनप्रतिनिधि और अधिकारियों की बैठक लेकर इन समस्याओं का निराकरन जल्द से जल्द किया जाएगा। श्री. ठाकरे ने कहा कि इस बैठक में राज्य के अन्य हवाईअड्डे के भी प्रलंबित समस्या का निराकरन के लिए निर्णय लेकर इन हवाईअड्डों को भी सभी सुविधाएं दी जाएगी।
इस चर्चा में विधानपरिषद के विपक्षीनेता प्रवीण दरेकर, सदस्य सर्वश्री डॉ. रणजित पाटिल, शरद रणपिसे, रवींद्र फाटक ने भाग लिया।
००००
महापौर संदीप जोशी पर हुए हमले का लिया गया गंभीरता से संज्ञान;
अपराध शाखा के पास जाँच – सी एम
नागपुर, दिनांक 18: राज्य सरकार ने नागपुर के महापौर संदीप जोशी पर हुए हमले को गंभीरता से लिया है। विधान परिषद में आज मुख्यमंत्री उद्धव ठाकरे ने इस मामले की जाँच अपराध शाखा से कराने की घोषणा की है।
विधान परिषद के नियम 289 के तहत पूछे गए सवालों का मुख्यमंत्री श्री ठाकरे उत्तर दे रहे थे। विधान परिषद में विपक्ष के नेता प्रवीण दरेकर, सदस्य श्री अनिल सोले, श्री रामदास आंबटकर ने नियम 289 के तहत इस मुद्दे को उठाया।
मुख्यमंत्री श्री ठाकरे ने कहा कि नागपुर के महापौर संदीप जोशी पर कल रात हमला हुआ था। इस घटना की जानकारी मिलते ही, पुलिस आयुक्त को तलब किया गया और जानकारी ली गई। साथ ही इस मामले में तत्काल कार्रवाई के बारे में निर्देश दिया गया है। सरकार कानून-व्यवस्था बनाए रखने में कमी नहीं पड़ने देंगी। साथ ही, अपराधियों को बख्शा नहीं जाएगा। मुख्यमंत्री ने यह भी बताया कि महापौर श्री जोशी से भी जानकारी लेंगे।
००००
Facilities to be provided to all airports including Akola (Shivni) airport
– CM Uddhav Thackeray
Nagpur, Dec 18: Chief Minister Uddhav Thackeray today informed the Vidhan Parishad that a meeting of the all concerned will be convened soon to resolve the pending issues of various airports in the state including Akola (Shivni) and all the airports will be provided all facilities.
He was replying to a call attention motion brought by Gopikishan Bajoria in the Vidhan Parishad.
Thackeray further said that information regarding runway of Akola (Shivni) airport, land acquisition and other pending issues has been received. They will be resolved soon at the meeting of all the concerned public representative and officers at the earliest. In the same meeting pending issues of other airports in the state will be discussed and decisions would be taken to resolve them and all facilities will be provided them, Thackeray said.
Leader of Opposition Pravin Darekar, and Membres Dr Ranjit Patil, Sharad Ranpise and Ravindra Fatak participated in the discussion on this issue.
0000
An attack on Mayor Sandeep Joshi was taken seriously;
Investigation has been entrusted to Crime Branch – CM
Nagpur, Date 18: The State Government has taken seriously the attack on Nagpur Mayor Sandeep Joshi. In the Legislative Council today, Chief Minister Uddhav Thackeray has announced that the matter will be given to the Crime Branch for investigation.
Chief Minister Mr. Thackeray was replying the questions asked under Rule 289 of the Legislative Council. Leader of Opposition in the Legislative Council, Praveen Darekar, members Mr. Anil Sole, Mr. Ramdas Ambatkar raised this issue under Rule 289.
Chief Minister said that Nagpur Mayor Sandeep Joshi was attacked last night. As soon as information was received about the incident, the Commissioner of Police was summoned and information pertaining to the matter was obtained. Also, instructions have been given for immediate action in this case. The government will fail to maintain law and order. Also, culprits will not be spared. The Chief Minister also informed that the information will also be sought from Mayor Mr. Joshi.
0000
Capacity of MahaPortal to be increased for recruitment process
– CM Uddhav Thackeray
Nagpur, Dec 18: Applications in large number have been received for various posts under the Animal Husbandry department of the state government and conducting online examination of these candidates is beyond the capacity of MahaPortal. Therefore, till this capacity is increased, this recruitment process has been kept in abayence. Similarly, in view of the feelings of examinees as regards MahaPortal, the examination pattern may be changed, informed Chief Minister Uddhav Thackeray while replying to a call attention motion in the Vidhan Parishad today.
MLCs Satish Chavhan, Kiran Pawaskar, Hemant Takle, Satej ailas Banti Patil and others had raised this motion.
The Chief Minister further said that MahaPortal conducts examination for recruitment to various posts in different department through the MahaIT. For this, the subject experts prepare the question paper. This examination is conducted online at 67 centres in the state. Earlier, twice the enquiry was conducted on the basis of complaints received and one more enquiry is going on. A third party audit of Mahapariksha Portal is being done by an independent organisation. On the basis of the recommendations of the report, changes will be made in the Maha E-Pariksha system and pattern. The state government is of the view that no injustice should be done to the examinees, he said.
0000
