मुंबई, दि. २८ – प्रसिद्ध ज्येष्ठ समीक्षक आणि लेखक शंकर सारडा यांच्या निधनाने राज्याने एक दर्जेदार साहित्यिक आणि समीक्षक गमावला आहे, या शब्दांत सांस्कृतिक कार्यमंत्री अमित देशमुख यांनी शंकर सारडा यांच्या निधनाबद्दल शोक व्यक्त करून श्रद्धांजली वाहिली आहे.
पत्रकार, समीक्षक आणि बालसाहित्यकार अशी ओळख असलेल्या श्री. शंकर सारडा यांनी आनंद, बालमित्र, साधना, मुलांचे मासिक यांसारख्या अंकांमधून लिखाण केले. अनेक नामांकित आणि दर्जेदार वृत्तपत्रांमधील कामाचा त्यांना मोठा अनुभव होता.
६०हून अधिक पुस्तके आणि दोन हजांराहून जास्त पुस्तकांचे समीक्षण करणाऱ्या सारडा यांनी प्रख्यात लेखकांच्या कादंबऱ्यांचा अनुवाद केला. शंकर सारडा यांच्या निधनाने राज्याने एक दर्जेदार लेखक, साहित्यिक आणि समीक्षक गमावला आहे, असे सांस्कृतिक कार्यमंत्री श्री. अमित देशमुख यांनी शोकसंदेशात नमूद केले आहे.
