मुंबई, दि. 1 : थोर समाजसुधारक, महाराष्ट्रभूषण, दिवंगत नानासाहेब धर्माधिकारी यांनी समाजातील अज्ञान, अंधश्रद्धा, अनिष्ठ रुढी-परंपरा, जातीव्यवस्था, स्त्रियांवरील अत्याचारांसारख्या कुप्रथांविरुद्ध समाजप्रबोधन केले. स्त्रीयांना समाजात मानाचे स्थान, आत्मसन्मान मिळवून दिला. प्रबोधनाच्या माध्यमातून व्यसनमुक्तीची चळवळ यशस्वी केली. दिवंगत नानासाहेबांनी अध्यात्म, शिक्षण, आरोग्य, व्यसनमुक्ती, समाजप्रबोधनाच्या क्षेत्रात सुरु केलेलं कार्य पुढे नेणं हीच त्यांना खरी आदरांजली ठरेल, अशा शब्दात उपमुख्यमंत्री अजित पवार यांनी महाराष्ट्रभूषण दिवंगत नानासाहेबांच्या जयंतिनिमित्त त्यांच्या कार्याचं स्मरण करुन त्यांना अभिवादन केले.
००००
