मुंबई, दि. 27 : महाराष्ट्र राज्याचे नवीन मुख्यमंत्री उद्धव ठाकरे आणि इतर मंत्र्यांचा शपथविधी समारंभ शिवतीर्थ, शिवाजी पार्क, दादर, मुंबई येथे उद्या गुरुवार दिनांक 28 नोव्हेंबर 2019 रोजी सायंकाळी 6.40 वाजता संपन्न होणार आहे. या शपथविधी सोहळ्याचे थेट प्रसारण सायं. 6.30 वाजल्यापासून मुंबई दूरदर्शनच्या सह्याद्री वाहिनीवरुन करण्यात येणार असल्याचे मुंबई दूरदर्शन केंद्राचे सहायक संचालक यांनी कळविले आहे.
