मुंबई, दि.९: केरळमधील कालडी येथे जन्मलेल्या आद्य शंकराचार्यांनी देशातील चार भागात बद्रीनाथ, रामेश्वरम, जगन्नाथ पुरी व द्वारिकापुरी येथे धर्मपीठे निर्माण करून देशाची एकात्मता अखंड राखली. त्यामुळे भारत देश एकसंध ठेवण्यात केरळचे योगदान फार मोठे  आहे,  असे प्रतिपादन राज्यपाल भगतसिंह कोश्यारी यांनी येथे केले.

राज्यपाल श्री. कोश्यारी यांच्या प्रमुख उपस्थितीत रविवारी (दि. ८) केरळ ख्रिश्चन कौन्सिल, मुंबई या संस्थेचा ६५ वा वार्षिकोत्सव तसेच नाताळ व नववर्ष स्वागत समारोह कॅनोसा सभागृह, अंधेरी, मुंबई येथे संपन्न झाला, त्यावेळी ते बोलत होते.

“भारतीय भाषा देशाला जोडण्याचे महत्त्वाचे काम करतात. त्यामुळे प्रत्येकाने मातृभाषेतील शिक्षणाला महत्त्व दिले पाहिजे,असे नमूद करून, राष्ट्रीय शैक्षणिक धोरणामध्ये मातृभाषेतील शिक्षणावर भर देण्यात आला”असल्याचे राज्यपालांनी सांगितले. तसेच सुरुवातीचे शिक्षण मातृभाषेत झाल्यास इतर भाषा शिकणे सुलभ होते, असे सांगून आपण राज्यातील विद्यापीठांचे कुलपती या नात्याने राज्यातील सर्व दीक्षान्त समारंभ मराठी भाषेतूनच संचलित करण्याचा दंडक घालून दिल्याचे, त्यांनी सांगितले.

भारताने सर्व धर्मांचा व विभिन्न धर्ममतांचा नेहमीच आदर केला आहे. ‘वादे वादे जायते तत्वबोधः’ ही या देशातील परंपरा आहे. त्यामुळे  धर्म कोणताही असला तरीही भारतीय म्हणून आपण एक झाले पाहिजे.  केरळने देशाला पी. टी. उषा सारखी धावपटू दिली आहे, तर महाराष्ट्राला पी. सी. अलेक्झांडर व के शंकरनारायणन यांसारखे उत्तम राज्यपाल दिले आहेत असे राज्यपालांनी सांगितले. संस्थेचे अध्यक्ष बाबू वर्गिस यांनी संस्थेच्या स्थापनेच्या इतिहासाची तसेच संस्था करीत असलेल्या   सामाजिक, धर्मादाय व सांस्कृतिक कार्याची माहिती दिली.

राज्यपालांच्या हस्ते ६५ व्या वार्षिक दिन स्मरणिकेचे प्रकाशन करण्यात आले, गुणवंत विद्यार्थी तसेच संस्थेचे ज्येष्ठ सदस्य यांचा राज्यपालांच्या हस्ते सत्कार करण्यात आला. बारावीच्या परीक्षेत मराठी तसेच हिंदी भाषेत सर्वाधिक गुण मिळविणाऱ्या केरळी विद्यार्थ्यांचा यावेळी सत्कार करण्यात आला.

कार्यक्रमाला लोकप्रिय मल्याळी चित्रपट निर्माते, दिग्दर्शक व अभिनेते रेंजी पणिकर, केरळ ख्रिश्चन कौन्सिलचे अध्यक्ष बाबू वर्गिस, महासचिव सायमन वर्की, निमंत्रक बिनु चंडी, ख्रिस्ती धर्मगुरू परिषदेचे सदस्य तसेच निमंत्रित उपस्थित होते.

0000

Governor presides over the Annual Day celebrations of Kerala Christian Council Mumbai

Mumbai 9: Maharashtra Governor Bhagat Singh Koshyari presided over the 65th Annual Day celebrations and Christmas and New Year Celebrations organised by the Kerala Christian Council in Mumbai on Sunday (8 Jan).

Speaking on the occasion the Governor Koshyari hailed the contribution of Kerala in keeping the nation united. He said Adi Sankaracharya established four peethas in different corners of the country at Badrinath, Rameshwaram, Jagannath Puri and Dwarika Puri. This according to him helped in achieving the integration of the nation. Congratulating film star and director Renji Panicker for making his speech in Malayalam, the Governor stressed the need to promote education in the mother tongue.

Mentioning that the National Education Policy 2020 lays emphasis on education in the mother tongue at the primary level, Koshyari said at his instance all universities in Maharashtra are conducting their Convocation Ceremonies in Marathi. Stating that he learnt Marathi since coming to Maharashtra, he appealed to the members of the Kerala community to also try to learn Marathi.

According to the Chairman Babu Varghese, Kerala Christian Council, the socio, cultural and philanthropic organisation representing all Christian denominations of Kerala in Mumbai was set up in the year 1958. He said apart from organizing Onam and Christmas celebrations, the Council runs several humanitarian projects for the needy and the underprivileged.

The Governor released the 65th Annual Day Souvenir and felicitated meritorious students and senior members of the Kerala Christian Council.

Malayalam actor, filmmaker and director Renji Panicker, Chairman of Kerala Christian Council Babu O. Varghese, General Secretary Simon Varkey, Convener Binu Chandy, Church fathers and members of the Council were present.

मुंबई, दि. 9 : ज्येष्ठ माध्यमकर्मी डॉ. विश्वास मेहेंदळे यांच्या निधनाने माध्यम विश्वातील एक मार्गदर्शक हरपला. आपले विचार संयतपणे मांडून त्यावर ठाम राहणाऱ्या पिढीचे ते प्रतिनिधी होते. त्यांच्या निधनाने एक व्यासंगी लेखक, निवेदक आणि पत्रकार आपण गमावला आहे, अशी शोकसंवेदना उपमुख्यमंत्री देवेंद्र फडणवीस यांनी व्यक्त केली आहे.

उपमुख्यमंत्री देवेंद्र फडणवीस आपल्या शोकसंदेशात म्हणतात, विश्वास मेहेंदळे केवळ एक लेखक नव्हते. ‘पाच सरसंघचालक’ ‘यशवंतराव ते विलासराव’, ‘आपले पंतप्रधान’ ही त्यांची गाजलेली काही पुस्तके असली तरी पत्रकारितेत येऊ इच्छिणाऱ्यांसाठी एक संस्था होते. संयतपणे आणि विचारांवर ठाम राहत निःपक्षपाती पत्रकारिता कशी करता येते, याबाबत विद्यार्थ्यांना त्यांनी आपल्या कार्य कर्तृत्वाने शिकवण दिली. त्यांच्या निधनाने नव्या पिढीचा एक मार्गदर्शक हरपला आहे. त्यांच्या कुटुंबियांच्या दुःखात आम्ही सहभागी आहोत.

00000

मुंबई, दि. ९ :- माध्यम क्षेत्रातील बदलांच्या प्रवाहात नव्या पिढीला अनेक पैलूंचा परिचय करून देणारे, मार्गदर्शक असे वाटाड्या व्यक्तिमत्व हरपले आहे, अशा शब्दात मुख्यमंत्री एकनाथ शिंदे यांनी ज्येष्ठ माध्यमतज्ज्ञ डॉ. विश्वास मेहेंदळे यांना श्रद्धांजली अर्पण केली आहे.

मुख्यमंत्री श्री. शिंदे यांनी शोकसंदेशात म्हटले आहे की, डॉ. विश्वास मेहेंदळे यांनी माध्यमांच्या क्षेत्रात आपली एक ओळख निर्माण केली होती. त्यांची शैलीही अनेकांना भावणारी अशी होती. त्यांनी माध्यमांच्या बदलत्या प्रवाहाच्या काळात स्वतः प्रयोगशील राहून नव्या पिढीला तंत्रज्ञान, सादरीकरण यातील अनेक पैलूंची ओळख करून दिली. त्यांचे हे कार्य सदैव प्रेरणादायी आणि स्मरणात राहील. त्यांचे व्यक्तिमत्त्व नव्या पिढीसाठी वाटाड्या सारखेच होते. ज्येष्ठ माध्यमातज्ज्ञ डॉ. विश्वास मेहेंदळे यांना भावपूर्ण श्रद्धांजली!’

0000

मुंबई, दि. ९ : सर्व देशांनी घातलेल्या बहिष्काराची पर्वा न करता तत्कालीन प्रधानमंत्री अटलबिहारी वाजपेयी यांनी पोखरणमध्ये अणुचाचणी घेऊन जगाला भारताची ताकद दाखवली. त्यांनी भारत देशाला आत्मनिर्भर बनविले. अटलजींच्या मार्गावर चालून देशाला सर्वोच्च शिखरावर पोहोचवू या, असा निर्धार उपमुख्यमंत्री देवेंद्र फडणवीस यांनी व्यक्त केला.

वांद्रे येथील हॉटेल रंगशारदामध्ये दीप कमल फाऊंडेशनतर्फे अटलबिहारी वाजपेयी यांच्या जयंतीनिमित्त श्री.फडणवीस यांना अटल सम्मान पुरस्कार देऊन सन्मानित करण्यात आले, त्याप्रसंगी ते बोलत होते. यावेळी आमदार सर्वश्री आशिष शेलार, प्रसाद लाड, कालिदास कोळंबकर, तमीळ सेलवन, माजी आमदार राज पुरोहित, संजय पांडे, आयोजक अमरजीत मिश्र आदी उपस्थित होते.

अटल महाकुंभ कार्यक्रमात उपमुख्यमंत्री श्री. फडणवीस म्हणाले की, जीवनात ज्यांचे आकर्षण होते, त्यांच्या नावाने पुरस्कार असल्याने तो जड अंतःकरणाने स्वीकारत आहे. हा सन्मान नसून जबाबदारी आहे. यापुढे राजकीय, सामाजिक जीवनात चूक करून चालणार नाही. केवळ समाज आणि देशहित डोळ्यासमोर ठेवून काम करायचे आहे. यामुळे हा पुरस्कार प्रेरणा देतो.

अटलजींनी कोणत्याही देशाची पर्वा न करता देशाला अणू संपन्न केले. प्रत्येक खेड्यापर्यंत रस्ता हे स्वप्न सत्यात उतरवले. प्रधानमंत्री ग्रामसडक योजना त्यांनी सुरू केली. कवी मनाच्या व्यक्तीच्या विचारावर देश सर्वोच्च शिखरावर पोहोचत आहे, असेही त्यांनी सांगितले.

प्रधानमंत्री नरेंद्र मोदी यांनीही नवभारत निर्मितीचे स्वप्न पाहून देशाला उंचीवर नेवून ठेवले आहे. जगात भारताची ओळख निर्माण केली. भारतासोबत संबंध वाढविण्यासाठी अनेक देश येत आहेत. जी-20 मध्ये भारताला नेतृत्व करण्याची संधी मिळाली आहे, असेही त्यांनी सांगितले.

मुंबईचा चेहरामोहरा बदलायचा असून 500 कामे मुंबईत सुरू आहेत. मुंबईकरांच्या जीवनात परिवर्तन घडविण्यासाठी प्रयत्न करणार असल्याची ग्वाही उपमुख्यमंत्री श्री. फडणवीस यांनी दिली.

यावेळी अटल महाकुंभ कार्यक्रमात अटल गीतगंगा या अटलजी यांच्या कवितेवर आधारित कार्यक्रमात व्हायोलीन वादक सुनीता भुयान यांनी वादन आणि कवितेचे गायन केले. लेखक, गायक हरीश भीमानी यांनीही आज सिंधू ज्वार उठा…. ही अटलजी यांची कविता गाऊन प्रेक्षकांची वाहवा मिळविली.

यावेळी आमदार आशिष शेलार यांनी मुंबई आणि अटलजी यांचे नाते स्पष्ट केले. प्रास्ताविक अमरजीत मिश्र यांनी केले.

000000

मुंबई, दि. ८ : समाजसेवा, संस्कृती व शिक्षण क्षेत्रात कार्य करणाऱ्या उत्तर भारतीय महासंघ या संस्थेचा २८ वा वर्धापन दिन तसेच संस्थेतर्फे देण्यात येणारे ‘साहित्य गंगा’ पुरस्कार राज्यपाल भगत सिंह कोश्यारी यांच्या प्रमुख उपस्थितीत आज राजभवन  येथे प्रदान करण्यात आले.

कार्यक्रमाला संस्थेचे अध्यक्ष डॉ. योगेश दुबे, माजी आमदार राज पुरोहित व विविध क्षेत्रातील मान्यवर उपस्थित होते.

राज्यपालांच्या हस्ते ओ. पी. व्यास, पंडित कालीनाथ मिश्र, गिरीश मिश्रा, प्रशांत मलिक, के. पी. पांडे, कमलेश दुबे, आर. पी. व्यास, शैलेंद्र भरती यांसह ३५ व्यक्तींना ‘साहित्य गंगा’ पुरस्कार प्रदान करण्यात आले.

0000

Governor presents ‘Sahitya Ganga’ Awards of Uttar Bhartiya Mahasangh

Governor Bhagat Singh Koshyari attended the Gaurav Samaroh and ‘Sahitya Ganga’ Awards presentation ceremony on the occasion of completion of 28 years of service by Uttar Bhartiya Mahasangh at Raj Bhavan Mumbai.

National President of the Mahasangh Dr Yogesh Dube and former MLA Raj Purohit were present.

The Governor presented the ‘Sahitya Ganga’ Puraskars to 35 personalities including O P Vyas, Pt Kalinath Mishra, Girish Mishra, Prashant Malik, K P Pandey, Kamlesh Dubey, Shailendra Bharatti and others.

0000

मुंबई, दि. ८ : बांधकाम व्यावसायिक व कवी अतुल अग्रवाल यांनी लिहिलेल्या ‘एक और दुष्यंत’ या गजल संग्रहाचे प्रकाशन राज्यपाल भगतसिंह कोश्यारी यांच्या हस्ते राजभवन येथे झाले.

मुंबई हिन्दी अकादमी या संस्थेतर्फे आयोजित या प्रकाशन सोहळ्याला संस्थेचे अध्यक्ष पवन तिवारी, सचिव रामकुमार, साहित्यिक डॉ. करुणाशंकर उपाध्याय आदी उपस्थित होते.

यावेळी प्रसिद्ध लेखक राजेंद्र श्रीवास्तव, मनोज कुमार गोयल, ‘पासबान ए अदब’चे संस्थापक कैसर खालिद, शायना एन.सी, डॉ. स्मिता दातार, संजीव निगम, अनघा गांगल, राखी तांडेल व प्रवीण कुमार सागर यांना साहित्य, समाज व शिक्षण गौरव पुरस्कार प्रदान करण्यात आले.

0000

Governor releases the book of Ghazals ‘Ek Aur Dushyant’

Mumbai, Date. 8 :Maharashtra Governor Bhagat Singh Koshyari released the book ‘Ek Aur Dushyant’, a collection of Gazals by real estate developer and poet Atul Agrawal at Raj Bhavan Mumbai.

The book release programme was organised under the aegis of Mumbai Hindi Akadami.

        President of the Akadami Pawan Tiwari, Secretary Ramkumar, writer Prof. Karunashankar Upadhyay and others were present.

        The Governor felicitated eminent personalities from the field of Literature, social work and education on the occasion.

Founder of Pasbaan E Adab Qaiser Khalid, Shaina N C, Rajendra Shrivastava, Dr Smita Datar, Manoj Kumar Goyal, Rakhi Tandel, Pravin Kumar Sagar and Sanjeev Nigam were prominent among those who were felicitated.

0000